会考改制，我哋系最後一届旧制，压力要大啲。我低头画速写，把训导主任嘅飞机头画到更飞。
七点五十五，分班名单出咗。
我同阿俊都喺中四C。我行入课室，後面已经坐满人。我拣咗倒数第二行、靠窗嗰个位，坐低就继续画EVA初号机。
突然，一把好清脆嘅声音响起：
「同学，呢度有人未？」
我抬头，见到一个长直黑发、齐浏海、校服着得好整齐嘅nV仔企喺我枱边。佢皮肤好白，眼睛好大，带住少少近视嘅水光，嘴角有两个好浅嘅酒洼。
我呆咗半秒，点头。
佢坐低，校服裙刚好盖过膝盖，书包放枱面，上面有个极细嘅HelloKitty锁匙扣。
我继续低头画，但手突然唔听话，线条画到歪晒。
佢望过嚟，细声讲：
「你画得几好喎。」
我心跳漏咗一拍，细到似蚊子咁答：「得闲画吓啫。」
佢笑咗一下，酒洼深深嘅：
「我叫顾芷楹，你呢？」
我脑袋一片空白，过咗三秒先答：
「余……余皓恩。」
佢「嗯」咗一声，喺簿面写低我个名，笔迹好靓。
嗰一刻，我完全唔知，呢个nV仔会喺未来两年，将我嘅人生搅到天翻地覆。
第一堂系中文课，陈Sir一入嚟就话十月有月考，作文题目《夜》。
我低头，心谂：生日写蓝田邨嘅夜一定好正。
顾芷楹喺我隔离，坐姿笔直，已经开始写大纲。
我偷望佢一次，佢突然转头，四目交接。
佢好细声，细到只有我听到：
「喂，你画我呀？」
我即刻低头，耳仔红到想Si。
放学後，我同阿俊去裕民坊模型店。
行到校门口，我突然回头。
顾芷楹企喺栏杆旁，抱住一叠书，
-->>(第2/3页)（本章未完，请点击下一页继续阅读）