讲， 「其实係唔关你事， 呢啲都只係我问题咁啫!」 我再问住佢， 「Eliane……」 但 Eliane 好快就再同我讲， 「吴生我有啲事要走先嘞!」 Eliane 讲完， 跟住见佢就响我身边拂袖而去。
我呆左响度， 而我就正不断猜测 Eliane 个心入面到底係谂紧啲咩咁?
几日之后， 学校有几日假期， 我妈妈带左志仔番乡下度探亲兼同佢响上面玩番几日， 难得有几日可以独处， 我本应该觉得轻鬆同愉快至啱， 但事实刚好相反， 我而家每一刻都係咁不断惦挂住 Eliane， 我谂紧点解佢而家突然好似当左我係陌路人咁看待。
下昼时份， 我带完个客去旺角睇完楼之后， 客人同我握住手黎讲， 「吴生， 麻烦哂你， 迟啲我想约埋啲家人再上去呢个单位度睇多一次!」 同客人挥手道别过之后， 我正想行去取车驾车番公司时候， 咦， 前面商业大厦门口好似有啲事发生咁。
我见有个女仔正坐左响大厦门口比几个男女包围住， 有啲师奶好似又取住啲药油比个女仔搽住咁， 但我再望真啲， 果个正面青口唇白女仔咪就好似係……Eliane 黎。
我见倒咁， 即时急步上前再睇清楚， 个女仔果然真係 Eliane 黎， 我跑到上前跪低捉住 Eliane 隻手就问，「Eliane 妳做咩事呀?」 Eliane 知道係我之后， 正有气无力咁同我讲， 「吴…生， 快啲扶我走先吖!」
ｄｉｙｉｂａｎｚｈ&#xFF
-->>(第2/6页)（本章未完，请点击下一页继续阅读）